2007 ihardunaldiak.

Óscar Cadiach.
22.10.1952
Barcelona.

Oscar Cadiach orain dela 15 urtetik mendi goi mailako gidaria da. Gainera Bartzelonako Eskola Pian irakasten du. Eskola honetan goi mailako kirolak irakasten dira, mendi gidaria izateko ere irakasten da. Titulu ofíciala da.
Cadiachek hamar 8000ko mendi eskalatu ditu. Everesta iparaldetik eta oxigeno barik, eta bide berriak ireki ditu Broad Peakean eta Cho Oyun.
Curriculum honekin “Magic Line” bidea aurkeztu zuen Oscarrek. Hitzaldiaren lehenengo partean diapositibak eman zizkigun eta bigarren partean filme bat.
Esan daiteke Oscar gizon arretsua dela, eta hau nabaritzen zen proiekzio osoan. Oscarrek beti expedizioiak oso ondo programatzen ditu, ordutegiak, igoerak, bazkaria, …baina nahiz eta oso ondo programatu Cadiachek, gauzak txarto agertzen balira, buelta ematearen aukera hartuko luke. Expedizio honetan, 8.300 metroetan zeudenean, hau da, 300 metro besterik ez zitzaizkienean falta tontorreraino heltzeko, buelta eman behar zuen eta jaitsiera hasi behar zuten Oscarrek eta bere lagunak. Bere laguna, Manel, gaixorik zegoen eta programazio on hori ez zen nahikoa Manel laguntzeko. Azkenean Manel de Mata hil zen Oscarren besoetan.
Hitzaldiaren bigarren partean filma eman zigun. Filma oso profesionala zen, eta fimagatik sari asko eman dizkiote Oscarri, Montrealean, Torellon, Perun, …
Bukatzeko esan dezakegu Oscar Cadiach mendi arloan profezional handia dela.

Paco Guillamón.
19.07.1933
Barcelona. 

Katalaniar hau eskalatzaile historikoa da. Bere belaunaldiko mendizaleak oso inportanteak izan dira eskalada historian, Rabada-Navarro, Anglada, …
Guillamonek bide asko penintsulan ireki ditu eta kanpoan ere. Pacoren proiekzioan 50eko hamarkadan egin zituen igoerak agertu ziren. Garai hartan eskalada egitea ez zen normala, mendizale gutxik eskalatzen zutelako. Gainera, mendi materiala ez zen teknikoa, orduan zailtasun gehiagorekin borrokatu behar zuten Angladak eta Guillamonek.
Pacok kordadaren hasiera azaldu zuen umore onarekin. Garai hartan kordada ezagun batzuk zeuden, Ravier anaiak, Rabada-Navarro, Bellefon-Sarthou, … Kordada hauek bide berriak ireki nahi zituzten horma nagusietan, Riglosean, Tozal del Mallon, …
Bide izugarriak igo zituzten eta hauetako batzuen lehenego igoerak izan zire. Mendizale hauek beti soka gerrian eta iltzearekin hormen zailtasunak gainditzen zituzten. Behin batean, Lavadero horman bide bat igo zuten eta eskalatzaile hauek bide hori irekita zegoela pentsatu zuten. Baina oker zeuden, bide berri bat ireki zuten nahigabe, sinestezina! Proiekzio hau askotan eskatzen da herrietan, mendizale guztiok pentsatzen dugu asko ikasi dezakegula Anglada-Guillamon kordadarekin. Hitzaldiaren amaneran txaloka agurtu ziogun Pacori.

Josune Bereziartu.
Lazkao 19.01.1972

Kirol eskalatzaile honek bi dokumentala aurkeztu zituen. Lehenengoan, diapositibaren bidez, berak zuzenean argazkiak azaldu zituen euskeraz. Argazkietan Haitz bideak agertu ziren, denak bide oso zailak ziren.
Josune kirol eskaladan errekor asko aurreratu ditu. Orain dela urte Batzuk 8c-ko bide bat kateatu zuen, gero 8c+-ko bat, 9ª-ko-bat, … eta azkenean 9ª+-ko bide bat kateatzen lortu zuen Suizan.
Alpinismo arloan, Urriellu mendian, modu librean “Pilar del Cantábrico” bidea, 8ª+, igoten lortu zuen, Iker Pourekin. Ansaberen eta Ordean bide zailak modu librean eskalatu zituen.
Gero Alpeetan egin zuen bidea aurkeztu zuen, “Cechinel-Nomine”, 900 m, Mont Blanc. Ibilbide hau izotz eskaladaren bidez igoten da, oso luze eta zaila da. Berak kontatu zigun nola lortu zuen igo, zailtasuna, hotza, nekea, …
Bigarren dokumentalean bideoclip bat erakutsi zigun. Ikusi genezakeen nola entrenatzen den Josune. Bereziartuk bere entrenamenduak oso gogorrak direla esan zigun eta egunero asko entrenatzen duela. Bere bikotekidea, Ricardo Otegi, eskalatzaile ona ere, Josunerekin egon zen hitzaldi osoan.

Alberto Zerain.
Vitoria Gasteiz. 20. 08. 1961

Mendizale euskaldun hau ez da oso ezaguna, baina bere igoerak oso garrantzitsuak izan dira. Karakorumean egon zen GI eta GII mendiak igoten, mendi hauek 8.000 metrokoak dira, eta horri buruz hitz egin zigun Albertok. Zerain GIera eta GIIra joan baino lehen egon zen Makalu mendian eta Everestean, orduan esperientzia handia zeukan irteera hau egin aurretik.
Oso azkar lortu zuen bi mendiak igoten, nahiz eta oso nekatuta bukatu zen lehenengo igoera (GII). Baina egoera hori ez zen ostopoa izan, eta Xabier Alzolarekin bi egunean lortu zuten helburua. Denbora gutxi zirauten, bi egun besterik ez, bigarren igoera lortzeko, lehengo igoera, ordea, hamazazpi egunetan egin zuen. 2006 urtean EMF-k sari bat eman zion Albertori denbora gutxitan bi zortzi milako mendi igoteagatik.
150 diapositiba edo gehiago eman zizkigun Albertok eta musika onarekin, guztia kalitate onakoa. Ordu erdia oso azkar pasa zitzaigun. Gainera “Potato” taldearen abeslariak kolaboratu zuen Albertorekin eta hori nabaritzen da. Dokumental ona izan zela pentsatu dugu.