EHUko hitzaldi-aretoan 380 eserleku daude baina ez ziren nahikoak jende asko  Alex Huber eskalatzailea ikustera joan zelako.   
Ekitaldia hasi baino lehen mendizale asko zegoen leku ona hartzeko. Huberrek bi mendi-emanaldi eman zituen, bakoitzak ordu bat iraun zuen. Erderaz egin zuen eta esaten zuena ondo ulertzen zen.  
Irudiak eta bideoak ondo konbinatu zituen eta gainera soinu ona aukeratu zuen bere igoerak kontatzeko.  
Huberrek izugarrizko eskaladak kontatu zizkigun eta noizean behin barre eragin zigun, zelako eskalada istorioak ziren! Eskalada sinestezinak!!  
Alex bere anaiarekin Yosemiten egon zen, han igoera asko egin zituzten. Baina ekintza bat azpimarratu dezakegu. “Zodiac” bidea ordu bat eta berrogeita hamar minutuetan eskalatu zuten. Hori egin baino lehen, material artifizialik gabe, bi anaiek bide hau eskalatu egin zuten; zailtasuna 8b* koa zen.  
Gero bere  sokarik gabe egin zituen igoerak erakutsi zizkigun eta bere sentsazioak kontatu zituen.  
Alex jendearekin pozik egon zen, autografo asko sinatu zituen hitzaldia hasi baino lehen, eta amaitu ondoren ere bai.  
 Emanaldia bukatu eta gero entzuleok txaloka agur esan genion Huberi.
 Gailurra mendi taldeak publikoari eskerrak eman nahi dizkio etortzeagatik. Argi dago ekitaldi hauek ez daukatela zentzurik jendea joaten ez bada. Eskerrik asko guztioi.